Item is undated, but datable to the late 13th or early 14th centuries.

Sciant presentes et futuri quod ego Johannes filius Stephani Warner concessi et dedi et hac presenti carta mea confirmaui Gerardo filio Radulfi de Meltum pro homagio et seruicio suo et pro decem solidos quos mihi dedit in Gersumma unam peciam terre mee que iacet inter terram Lenote uxoris Geroldi praepositi et terram Gilberti de sirson. Cuius unum caput abutat super pratum predicti Gerardi uersus aquilonem et aliud caput croftum predicti Gerardi uersus austrum. Habendum et tendendum de me et heredibus meis illi et heredibus suis uel cuicumque et quamcumque illam dare uendere legare uel assignare uoluerit excepta domo religiosa, libere et quiete bene et in pace et hereditate. Reddendo inde annuatim mihi et heredibus meis tres denarios ad duos terminos scilicet ad festum sancti michaeli, tres obolos et ad pasche, tres obolum pro omnibus seruiciis consuetudinibus et exactionibus et secularibus demandis. Saluo seruicio domini regis scilicet ad scutagium uiginti solidum quando euenerit ad plus et ad minus unum obolum. Et ego predictus Johannes et heredes mei Warantizabimus predictum peciam terre predicto Gerardo et heredibus suis et assignatis suis et heredibus assignatorum per predictum seruicium contra omnes. Et in huius rei testimonium huic scripto sigillum meum apposui. Hiis testibus. Willemo de Tistdeldun, Roberto de Aula combusta, Allano de Torpe, Ricardo de Belinger, Johanee de Stampe, Johanne de Culfo, Johanne de Prato, Lua paruo de Hoteley, Rogero de Bernesseg, Reginaldo filio Fulcors, Rogero Goceanil, Herueo Cocston, et multis aliis.