Date listed on item is mercurii proxima post festum apostolorum petri et pauli Anno domini millesimo tricentesimo Tricesimo septimo ("the closest Wednesday following the Feast of the Apostles Peter and Paul, in the year of our Lord 1337"), which is dated in accordance with the Christian calendar of saints.

Omnibus Christi fidelibus hoc presens scriptum uisuris uel audituris, Willelmus filius Willelmi Ryuel de Dungwurth salutem in domino sempiternam. Noueritis me concessisse dedisse et omnino de me et heredibus meis imperpetuum quietum clamasse Thome filio Ricardi Ryuel et heredibus suis et suis assignatis totum ius et clamium quod uncquam habui ut habeo uel aliquo modo decetero habere potero in uno mesuagio et in omnibus terris et tenementis cum omnibus suis pertinenciis quod que et quas habui iure hereditatis post decessum predicti Ricardi Ryuel sicut iacentem duabus placeis in territorio de Dungwurth inter aquam de stene ex parte boriali, et altam uiam ducentem de Dungwurth uersus le Storthes ex parte australi. Ita uidelicet quod nec ego predictus Willemus filius Willemi nec heredes mei nec aliquis alius nomine nostro in predictis mesuagio terris et tenementis cum omnibus suis pertinenciis aliquod ius uel clamium decetero exigere uel uendicare poterimus quoquo modo. In cuius rei testimonium huic presenti scripto sigillum meum apposui. Hiis testibus. Adam de Hallum, Willemo del Fayrhirstes, Johanne filio Auyen, Johanne del Boure, Petro Ryuel, et aliis. Datum apud Dungwurth die mercurii proxima post festum apostolorum petri et pauli Anno domini millesimo trecentesimo Tricesimo septimo.