Anno domini millesimo trecentesimo decimo nono conuenit inter dominum Johannem de Mereworth ex una parte et dominum Radulfum de Beston ex altera, uidelicet quod predictus Dominus Johannes concessi dedit et presenti carta sua cirograffata confirmauit dicto suo Radulfo unum Toftum et unam acram terre cum pratum que Thomas filius Ade Olyue tenuit in Middelton. Concessit etiam secundam domino Radulfo quatuor carratas subbosci percipiendi in bosco suo de Middelton singulis annis per liberatam forestarii sui excepto bosco suo in le Estwod. Habendum et tenendum dicto suo Radulfo et heres de corpore suo legitime procreatis. Et dictus dominus Johannes et heredes sui predicta tenementa et estoueria prefato domino Radulfo et heres de corpore suo procreatis Warantizabunt acquietabunt et defendent inperpetuum. Proterea idem dominus Johannes concessit remisit et de ipso et heredes suis inperpetuum quieta clamauit dicto Domino Radulfo et heres suis totum ius et clameum que habuit uel habere potuit in duodecim solidis annui redditus quos reddere solebat pro terris et tenementis que a prefato domino Johanne tenuit in Middelton. Pro quadem donacione et quieta clamancia secundum dominus Radulfus concedit quod dictus dominus Johannes et heredes de corpore suo procreati possint includere boscum suum de Estwod et tenere in separali suo ab occidentali parte stagni usque abutt [sic] alia bosci in longitudine uersus orientem. Et sicut se extendit in latitudine inter Hallerode Rastreker campos de Catleston Hunsflet, Wodehous, et le Estfeld de Middelton. Et etiam quod possint se appruare de omnibus boscis suis in Middelton tam extra le Estwod quam infra ubicumque pro uoluntate sua siue contradictione uel impedimento dicto domini Radulfi uel heredum suorum. Et si contingat aliis ipsius domini Radulfi uel heredum suorum in dicto bosco de Estwod pro defectu clausture intrare dictus dominus Johannes uult et concedit quod aueria illa non suit inprecata, set amicabiliter rechacientur. In cuius rei testimonium tam predictus dominus Johannes quam dictus dominus Radulfus hiis scriptis indentatis alternatim sigilla sua apposuerunt. Datum apud Middelton die sabbati in Crastino sancti Wilfridi anno supradicto hiis testibus Domino Johanne de Thornhill, Domino Johanne de Eland, Domino Willemo de Beston, Willemo de Alta Ripa, Milone de la Haye, et aliis.

Date listed on item is anno domini millesimo trecentesimo decimo nono ... die sabbati in Crastino sancti Wilfridi ("1319" ... "The Sabbath Day on the morrow of the [feast] of Saint Wilfrid"), which is dated in accordance with the Christian calendar of saints.