Date listed on item is die sanctorum simone et Iude Anno millesimo ducentesimo sexagesimo quarto ("the day of the Feast of Simon and Jude, the year of our Lord, 1264), which is dated in accordance with the Christian calendar of saints.

Sciant presenti et futuri quod Ego Thomas filius Willelmi Concessi Dedi et hac presenti carta mea confirmaui Berthe filie mee et heredibus suis de corpore suo legitime procreatis, Totam medietatem terre mee de Daltona cum omnibus pertinenciis suis, Videlicet, Vndecim acras terre quas Willelmus filius Michaelis tenuit. Et unam Toftum et quatuor acras terre quod et quas Matildis filia Ade tenuit. Et Nouemdecim acras terre et dimidiam quas Ricardus de flanderwath tenuit. Et quinque acras terre quas Adam de Monteacuto tenuit. Et Quattuor acras quas Willemus filius Willelmi tenuit. Et Robertum Carpentari cum tota sequela sua et omnibus bouis catallis et mobilibus suis cum Vna Bouata terre et duobus acris quas tenuit in Vilenagio. Et Johannem de Denhil cum tota sequela sua et omnibus bouis catallis et mobilibus suis cum una dimidia bouata terre et sex acras et dimidiam quas tenuit in uilenagio. Et Thomas Iufday cum tota sequela sua et omnibus bouis et mobilibus suis cum Vna Bouata terre et quinque acras et dimidiam. Et Guettam de Braidewelle cum tota sequela sua et omnibus catallis et mobilibus suis cum Vna dimidiam Bouata terre quam tenuit in Vilenagio. Et annualem Redditum duodecim denariorum cum omnibus pertinenciis suis quos Willelmus le Breton michi Reddere tenebatur. Tenendum et habendum de me et heredibus meis, sibi et heredibus suis de corpore suo legitime procreatis in feodo et hereditate libere quiete pacifice honorifice et integre siui aliquo Retenemento cum omnibus pertinenciis suis libertatibus communis et aysiamentis ad predictam medietatem terre de Daltona ubique pertinencibus. Scilicet in moris mariscis Viis semitis pratis acriis pascuis hostis pasturas et turbari. Reddendo inde annuatim michi et heredibus meis tres denarios ad Pentecostam pro omni seruicio seculari consuetudine exaccione et demanda ad me et heredes meos pertinente. Saluo forinseco seruicio scilicet duabus denariis ad Schutagium quando schutagium currit. Et faciendo sectas et seruicia capitali Domino feodi debita et consueta. Et ego Thomas filius Willemi et heredes mei Warantizabimus totum predictum tenementum cum omnibus supradictis pertinenciis suis predicte Berthe et heredibus suis de corpore suo legitime procreatis contra omnes homines imperpetuum. Et si contingat predictam Bertham siue herede de corpore suo obiere, Totum predictum tenementum cum pertinenciis michi et heredibus uel assignatis quietum Reuerteur et solutum. In cuiuis Rey testimonium presentem cartam sigilli mei impressione roboraui. Hiis testibus. Dominus Rogeri Bertram domino de Mitford, Radulfo de Normanwille, Radulfo Tilly, Roberto de Wikerlay militibus, Willelmo de Adwich, Thome de Scanceby, Randulfo de Barneburi, Roberto de Aldewerk, Willelmo le Bretona, Thoma Barbot, Johanne de Coleby, Radulfo clerico, et aliis. Datum die sanctorum simoni et Iude, anno gratie, millesimo centesimo centesimo sexagesimo quarto.