Date listed on item is die sanctorum simone et Iude Anno millesimo ducentesimo sexagesimo quarto ("the day of the Feast of Simon and Jude, 1264"), which is dated in accordance with the Christian calendar of saints.

Sciant presentes et futuri quod Ego Thomas filius Willemi concessi Dedi et hac presenti carta mei confirmaui Rammette filie mee et heredibus suis de corpore suo legitime procreatis totam medietatem terre mee de Daltona cum omnibus pertinenciis suis uidelicet octo acras terre et dimidium quas Simon le Secker, tenuit de me. Et Nouemdecim acras terre et dimidium quas Willelmus le Sutor tenuit. Et quattuor acras terre quas Willemus filius hugonis tenuit. Et tres acras terre quas Robertus filius Walteri tenuit. Et tres acras terre quas Alanis Carpentare tenuit. Et unum Toftum quod Agnes Montagu tenuit. Et insuper Rogere filius Hugonis cum tota sequela sua et omnibus bouis catallis et mobilibus suis. Et cum una Bouata terre que tenuit in uilenagio. Et Willelmus ad le spute cum tota sequela sua et omnibus bouis catallis et mobilibus suis. Et cum una Dimidium Bouata terre qua tenuit in Vilenagio. Et Adam filius Willemi cum tota sequela sua et omnibus bouis catallis et mobilibus suis. Et cum una Bouata et septem acris terre quam tenuit in Vilenagio. Et Hugone ad le Grene cum tota sequela sua et omnibus bouis catallis et mobilibus suis. Et cum una Bouata et una acra quam tenuit in Vilenagio in eadem. Tenendum et habendum de me et heredibus meis sibi et heredibus suis qui de corpore suo legitime procreatis exibunt. In feodi et hereditate libere quiete pacifice honorifice et integre siue aliquo Retenemento cum omnibus pertinenciis suis libertatibus communis et aysiamentis ad medietatem predicte Villa de Daltona ubique pertinentibus. scilicet in moris maristis partis uiis semitis acruis planis pastiis Boscis, Pasturis, et turbaris. Reddendo inde annuatim michi et heredibus meis tres denarios ad Pentecostam pro omni seruicio seculari consuetudine exaccione et demanda ad me et heredes meos pertinente. Saluo forinseco seruicio, scilicet duabus denariis ad schutagium quando schutagium currit. Et faciendo sectas et seruicia Capitali domino feodi debita et Consueta. Et ego Thomas filius Willemi et heredes mei Warantizabimus Totum predictam tenementum cum omnibus supradictum pertinenciis suis predicte Rametthe et heredibus suis de corpore suo legitime procreatis, Contra omnes homines in perpetuum. Et si contingat predictam Ramettham siue herede de corpore suo obiere, Totum predictam tenementum cum pertinenciis michi et heredibus meis uel assignatis quitum reuertetur solutum. In cuius Rey testimonium presentem cartam sigilli mei inpressione roboraui. Hiis testibus. Dominus Rogere Bertram domino de Mitford, Radolfo de Normanwille, Radulfo Tilly, Roberto de Wikerlay militibus, Willelmo de Adwik, Ramilfo de Barneburi, Thomas de Scauceby, Roberto de Aldewerk, Willelmo le Breton, Thomas Barboch, Johanne de Coleby, Radulfo clerico et aliis. Datum die sanctorum simone et Iude. Anno millesimo centesimo centesimo sexagesimo quarto