Item is undated, but datable to the 13th century.

Omnibus Hanc Kartam uisuris uel audituris, Matheus filius Thomi filii Vrsellae de Hotoni Salutem. Nouerit uniuersitas uestra me Quietum clamasse a me heredibus meus in perpetuum et hac presenti karta mea confirmasse domino meo Johanni de Boneuille totam terram Quam Thomas pater meus et Agatha et Sultancia sorores mee uendiderunt eidem Johanni infra territorium de Hotoni in Sua magna necessitate. Scilicet xLii acras terre cum omnibus pertinenciis ad illam terram tam infra uillam quam extra pertinentibus pro duabus marcus argenti, et una roba de uiridi ad opus meum et una tunica de Burneto ad opus Betriz matris mee. Tenendas et habendas in perpetuum dicto Johanni et heredibus suis uel cui assignauerit, liberas et quiete clamatas de omnibus demandis et seruiciis a me et heredibus meis. Et ne ego uel heredes mei de cetero aliquod ius uel clamium in prefata terra habuimus presentem kartam. In huius rei testimonium sigillo meo confirmaui. Hiis testibus. Henrico de Ferligtoni, Willelmo de Herlesey, Iohanne de Romundeby, Thome filio Hugoni, Radulfo Fadeles, Magistro Reginaldo de Aspitali, Willelmo filio Roberti, Symone de Kilvingtoni, Nicholao de Braidewad, Willelmo filio Aldid de Sauceby, Anketum de Otrigton, et aliis.